Bizkaiko kultura eta sorkuntzaren ekosistemaren mapatze tailerretan izena emateko epea zabalik!
Elkartzeko aukera bikaina
Berriki azaldu dugun moduan, Bizkaiko Foru Aldundiarekin batera Bizkaiko kultura eta sorkuntzaren ekosistema automapatzeko prozesu bati ekin diogu, lurraldeko kultura sistemak gaur egun duen egoeraren argazkirik zehatzena lortzeko. Prozesu honetan kultura ekosistemaren ordezkaritza zabala izatea espero dugu: aktoreak, artistak, kantautoreak, musika taldeak, gidoilariak, idazleak, bideo jokoen sektoreko eragileak, zinema, film laburrak, diseinua, artisautza, arkitektura, kultura kudeaketa, ekitaldien antolaketa, kultura turismoa, zientzia dibulgazioa… profesionalak zein amateurrak, edozein formatako kultura edo sorkuntza proiektua duen pertsona edo entitate oro.
Automapatze lanetan ahal bezainbeste pertsona babestu ahal izateko zenbait tailer antolatu ditugu helburu hauekin:
- Garatutako jarduerari buruzko gogoeta egitea, jardun eremu eta balio proposamen bakoitza ekosisteman hobeto islatu ahal izateko eta proiektu bakoitzaren potentziala ustiatzera bideratutako erabakiak hartzea orientatu ahal izateko.
- Beste pertsona, profesional, entitate batzuk ezagutzea haiekin lankidetzan aritzeko, proposamenak osatzeko eta aukera berriak sortzeko.
- Bizkaiko lurraldetik eta lurralde honentzat lan egiten duten eragileen ekosistemaren argazkia osatzea, erakunde publikoek zein bestelako sustapen eragileek sektorea indartzen laguntzeko modua izan dezagun.
Tailerrak noiz, non eta nola egingo dira?
Gaur egungo mugak direla medio, tailerrak, printzipioz, eta egoera epidemiologikoak hobera egiten ez duen bitartean, , Zoom bitartez taldeko bideodei bidez egingo dira; gehienez saio bakoitzeko 95 lagun bertaratu ahalko dira. Parte hartu ahal izateko izena eman beharko da eta saioak irekiak izango diren arren, parte hartzaileen artean afinitate handiagoa bilatuz antolatu ditugu tailerrak, egutegi honi jarraiki. Zuretzat egokiena izango den tailerrean izena ematera animatzen zaitugu:
Anima zaitez!
Ez bazara lehen aipatutako sektoreetako batekoa, baina honetako hau da hobeto datorkizun data, etor zaitez arazorik gabe. Saioak irekiak dira, baina sektoreko kidetasunagatik taldekatu nahi izan ditugu.
Eta beste pertsona edo entitate batzuen interesekoa izan daitekeela uste baduzu, ez izan zalantzarik eta partekatu informazioa. Gero eta eragile anitz gehiagok parte hartu, orduan eta osatuagoa izango da argazkia eta balio handiagoa izango du ekosistema osatzen dugunontzat.
